ខេត្តសៀមរាប ៖ លោកវរសេនីយ៍ឯក តាំង លីហេង អធិការនគរបាលស្រុកជីក្រែងបានប្រាប់ឱ្យដឹងលើករណីអគ្គិភ័យឆេះផ្ទះប្រជាពលរដ្ឋមួយកន្លែងនៅស្រុកជីក្រែងថា គឺបានកើតឡើងក្នុងពេលដែលម្ចាស់ផ្ទះបិទទ្វារចុះក្រោមទៅអង្គុយលេងផ្ទះអ្នកជិតខាង ។ លុះមួយសន្ទុះ ក៏ឃើញអណ្តាតភ្លើងឆេះចេញពីលើផ្ទះមកតែម្តង ។ ហើយសំណាងល្អដែរ ដែលមិនបណ្ដាលឱ្យឆ្លងទៅផ្ទះនៅជាប់គ្នាទៀតនោះ ។ ដូច្នេះ សូមចែករំលែកដល់ប្រជាពលរដ្ឋ សូមមេត្តាបង្កើនប្រុងប្រយ័ត្នចំពោះភ្លើងគ្រប់ពេលទាំងអស់ ។
សូមរំលឹកថា អគ្គិភ័យឆេះដ៏សន្ធោសន្ធៅនេះ គឺកើតឡើងកាលពីថ្ងៃទី២៣ តុលា វេលាម៉ោង១៨និង១៧នាទីល្ងាចស្ថិតនៅភូមិខ្វាវ ឃុំខ្វាវ ស្រុកជីក្រែង ខេត្តសៀមរាប ចុះពីផ្លូវជាតិលេខ០៦ ចម្ងាយពីអធិការដ្ឋាននគរបាល៤១គីឡូម៉ែត្រ ចូលតាមផ្លូវលេខ២៦៦ ទៅទិសខាងជើង។ ហើយភ្លើងរលត់ទៅវិញ នៅម៉ោង១៩ និង២៧នាទីយប់ថ្ងៃដដែល បន្ទាប់ពីមានកម្លាំងនគរបាលប៉ុស្តិ៍ ប្រជាការពារ ប្រជាពលរដ្ឋ និងក្រុមពន្លត់អគ្គិភ័យនេះ ហើយសមត្ថកិច្ចបានធ្វើការត្រួតពិនិត្យរកមូលហេតុពីការឆេះនេះ ។
លោកវរសេនីយ៍ឯកបានបន្ថែមទៀតថា ម្ចាស់ផ្ទះរងគ្រោះខាងលើ ម្ចាស់ឈ្មោះប៊ន ហិង ភេទប្រុស អាយុ៥២ ឆ្នាំរស់នៅ ភូមិខ្វាវ ឃុំខ្វាវ ស្រុកជីក្រែង ខេត្តសៀមរាប ។ ចំពោះមូលហេតុ គឺបណ្តាលមកពីទុស្សេខ្សែភ្លើង។ ក្នុងនោះ ផ្ទះត្រូវឆេះអស់ ។ ២,ប្រាក់ខ្មែរ ២.០០០.០០០រៀល ៣,កងដៃផ្លាកទីនចំនួន០២ (តំលៃ ១.០០០.០០០រៀល) ៤,ទូរស័ព្ទដៃម៉ាក អាយហ្វូន០១គ្រឿង ៥,ម៉ូតូចំនួន ០២ គ្រឿងម៉ាកហុង ដាឌ្រីមសេ១២៥ និងម៉ាកកូនទា ៦, កង់០១គ្រឿង ៧, គ្រែឈើប្រអប់ចំនួន ០៤ ៨, សម្ភារដែលនៅក្នុងផ្ទះមួយ.ចំនួនឆេះទាំងស្រុង បើគិតជាទឹកប្រាក់អស់ចំនួនជិត២ម៉ឺនដុល្លារដែរ ។
