ខេត្តបន្ទាយមានជ័យ ៖ បើតាមសេចក្តីរាយការណ៍បានដឹងថា ជនដៃដល់ដែលបានលីពូថៅចូលទៅកា.ប់ស្ត្រីចំណាស់មេម៉ាយម្នាក់ដល់ក្នុងផ្ទះខណៈពេលកំពុងតែដេកលក់ ព្រោះតែរឿងទំនាស់ដីព្រំកាលពីម៉ោង១២និង៥នាទីថ្ងៃត្រង់ ថ្ងៃទី២៦ ខែមិថុនា ក្នុងភូមិឃូស្វាយ ឃុំបុស្បៅនោះ ពេលនេះចាប់ខ្លួនជនដៃដល់បានហើយ កាលពីវេលាម៉ោង៥និង៣០នាទីល្ងាច ថ្ងៃទី២៧ ខែមិថុនា ឆ្នាំ២០២១ ស្ថិតនៅក្នុងភូមិឃូស្វាយ ឃុំបុស្បៅ ស្រុកព្រះនេត្រព្រះ។
បើតាមលោកវរសេនីយ៍ឯក មាស រិទ្ធី អធិការដ្ឋាននគរបាលស្រុកព្រះនេត្រព្រះ បានប្រាប់ថា ជនសង្ស័យជាឃាត.ករដែលត្រូវឃាត់ខ្លួនខាងលើនេះ មានឈ្មោះ ចយ សឺន ភេទប្រុស អាយុ៦៩ឆ្នាំ រស់នៅភូមិ-ឃុំខាងលើ។
លោកបានបញ្ជាក់ថា មុនពេលកើតហេតុ កាលពីវេលាម៉ោង១២រសៀល ថ្ងៃទី២៦ ខែមិថុនា ឆ្នាំ២០២១ស្ថិតភូមិឃូស្វាយ ឃុំបុស្បៅ ស្រុកព្រះនេត្រព្រះ មានករណីឃាត.កម្មកា.ប់សម្លា.ប់លើជនរងគ្រោះឈ្មោះ សូ សួង ភេទស្រី អាយុ៧៤ឆ្នាំ (ជាស្ត្រីមេម៉ាយ) រស់នៅភូមិ-ឃុំកើតហេតុខាងលើ ដោយជនសង្ស័យកា.ប់ចំក្បាលពីក្រោយចំនួន៤កន្លែង បណ្តាលឱ្យស្លា.ប់ក្នុងថ្លុកឈាមនៅបន្ទប់ផ្ទះជាន់ក្រោមឈើលើ ថ្មក្រោម ខណៈពេលដែលជនរងគ្រោះកំពុងតែដេកលង់លក់ជាមួយចៅប្រុស ។
លោកវរសេនីយ៍ឯក មាស រិទ្ធី បានបញ្ជាក់ថា ក្រោយមានកើតហេតុនោះរួច ជាការណែនាំពីលោកឧត្តមសេនីយ៍ទោ សិទ្ធិ ឡោះ ស្នងការនគរបាលខេត្តបន្ទាយមានជ័យ បានអោយកម្លាំងជំនាញខេត្តសហការជាមួយកម្លាំងអធិការដ្ឋាននគរបាលស្រុកបានចុះពិនិត្យសាកស.ពជនរងគ្រោះ ហើយស្រាវជ្រាវកំណត់មុខសញ្ញាបាន ហើយក៏ឃាត់ខ្លួនជនដៃដល់ឈ្មោះ ចយ សឺន ភេទប្រុស អាយុ៦៩ឆ្នាំ រួមនឹងវត្ថុតាងពូថៅចំនួន១ នៅវេលាម៉ោង៥និង៣០នាទី ថ្ងៃទី២៧ ខែមិថុនា ឆ្នាំ២០២១ ស្ថិតភូមិឃូស្វាយ ឃុំបុស្បៅ ស្រុកព្រះនេត្រព្រះ។
លោកបានបញ្ជាក់ថា ក្រោយឃាត់ខ្លួនជនសង្ស័យជាឃាត.ករខាងលើនេះហើយ ក៏ត្រូវបានបញ្ជូនមកស្នងការដ្ឋាននគរបាលខេត្តបន្ទាយមានជ័យ ដើម្បីធ្វើការសាកសួរ ហើយបើតាមចម្លើយសារភាពនៃមូលហេតុដែលកាប់សម្លា.ប់ស្ត្រីរងគ្រោះនោះ គឺព្រោះតែរឿងទំនាស់ព្រំដីភូមិរបងជាប់គ្នា ទើបមានឱកាសក៏បានចូលកា.ប់ស្ត្រីរងគ្រោះបណ្តាលស្លា.ប់តែម្តង ។ ក្រោយសាកសួរហើយ ជនសង្ស័យក៏ត្រូវបានរៀបសំណុំរឿង បញ្ជូនទៅសាលាដំបូងខេត្តបន្ទាយមានជ័យ ដើម្បីចាត់ការតាមច្បាប់។
