ប្រទេសកាណាដា ៖ ប៉ូលិសសហព័ន្ធកាណាដា រាយការណ៍នាថ្ងៃទី២៩ មិថុនា ថា មនុស្សជាច្រើននាក់បានស្លា.ប់ភ្លាមៗ រវាងថ្ងៃទី២៨មកថ្ងៃទី២៩ ខែមិថុនា ឆ្នាំ២០២១ ក្នុងតំបន់ក្រុងវ៉ាគូវ័រ ដែលនោះជាចំនួនអ្នកស្លា.ប់ដ៏ច្រើន ប្រហែលជាដោយសារតែធាតុអាកាសក្ដៅខ្លាំងពេក បានវាយប្រហារនៅភាគខាងលិចទ្វីបអាមេរិក ។
ប៉ុស្តិ៍ប៉ូលិសកាណាដា២ នៃតំបន់ក្រុងវ៉ានគូវ័រ ប្រកាសដាច់ដោយឡែកពីគ្នាថា មនុស្សយ៉ាងតិច១៣៤នាក់បានស្លា.ប់ភ្លាមៗ ចាប់តាំងពីថ្ងៃទី២៨ មិថុនាមក ខណៈធាតុអាកាសក្ដៅខ្លាំងបំផុតជាប្រវត្តិសាស្ត្រវាយប្រហារភាគខាងលិចកាណាដានិងសហរដ្ឋអាមេរិក។
ក្នុងសេចក្ដីប្រកាសមួយប៉ូលិសកាណាដា បាននិយាយថា យើងគិតថាមនុស្សភាគច្រើនស្លា.ប់ដោយធាតុអាកាសក្ដៅខ្លាំង ។ សេចក្តីប្រកាសបន្តថា មួយផ្នែកធំនៃអ្នកស្លា.ប់ជាមនុស្សចាស់ ។ ក្រុងវ៉ានគូវ័រនៅជាប់ឆ្នេរសមុទ្រប៉ាស៊ីស៊ីហ្វិក ចាប់តាំងពីច្រើនថ្ងៃមកហើយសីតុណ្ហភាពមានខ្ពស់ជាង៣០អង្សាសេ ពិតជាហួសពីសីតុណ្ហភាពធម្មតា ដែលមានត្រឹម២១អង្សាសេក្នុងរដូវនេះ ។ ធាតុ
អាកាសក្ដៅខ្លាំងមានក្នុងប្រទេសកាណាដាទាំងមូល ចាប់តាំងពិថ្ងៃទី២៨ មិថុនា មកពិសេសនៅLYTTON ជាភូមិមួយនាភាគឦសានក្រុងវ៉ានគូវ័រ ដែលនៅទីនោះសីតុណ្ហភាពបានឡើងដល់៤៩,៥អង្សាសេ ៕
